Asalam u Alaikum !
http://www.uploadgeek.com/uploads456/0/1feb_karbala.jpg
http://www.uploadgeek.com/uploads456/0/2feb_meeranees.gif
BeIng loNely !!! sId !!!
Re: Meer Anees
Ajar o Jaza-kumullah
Re: Meer Anees
Madine ka Musafir khaak par karwat badalta hai
Qayamat ki tapish hai karbala ka dasht jalta hai
Zara oth kar lahed se daikh lije Ya Rasool Allah
Janaze par janaza aap ke ghar se nikalta hai
Kahan hai hazrat e Ayub dekhain sabar ke johar
Jawan beta hai goadi me pidar ki, dam nikalta hai
Re: Meer Anees
*garmi ka roz-e- jang ki kyoN kar karooN bayaN, *
*Dar hai ke masl-e-shama na jalne lage zabaan. *
*woh loo, ke alhazar! woh haraarat, ke alamaan! *
*ran ki zameen to surkH thi aur zard aasmaaN. *
*aab-e-kHunuk ko kHalaq tarasti thi kHaak par *
*goyaa hawa se aag barasti thi kHaak par *
*wo loo, woh aaftaab ki hiddat, woh taab-o-tab *
*kaala tha rang dhoop se din ka misaal-e-shab *
*kHud nahr-e-alqama ke bhi sookhe hue the lab *
*kHaime jo the habaaboN ke tapte the sab ke sab *
*uRhti thi kHaak, kHushk tha chashma hayaat ka *
*khaula hua tha dhoop se paani faraat ka. *
*jheeloN se chaarpaaye na uthte the ta ba shaam *
*maskan mein machhliyoN ke samandar ka tha maqaam *
*aahu jo kaahile the, to cheete syaah faam *
*pat-thar pighal ke rah gaye the masl-e-mom kHaam *
*surkHi uRhi thi phooloN se, sabzi gayah se *
*paani kooweN meiN utra tha saaye ki chaah se *
*kosoN kisi shajar meiN na gul the na barg-o-baar *
*ek ek nakHal jal raha tha soorat-e-chinaar *
*haNsta tha koi gul na lahakta tha sabzaar *
*kaanTa hui thi sookh ke har shaakH-e-baar daar *
*garmi ye thi ke zeest se dil sab ke sard the *
*patte bhi masl-e-chehra-e-madqooq zard the *
*aab-e-rawaaN se muNh na uThaate the jaanwar *
*jungle meiN chhipte phirte the taair idhar udhar *
*mardam the saat pardoN ke andar araq se tar *
*kHaskHaana-e-mizhha se nikalti na thi nazar *
*gar chashm se nikal kar Thahar jaaye raah meiN *
*paRh jaayeN laakh aable paa-e- nigah main. *
*sher uTh-te the na dhoop ke maare kachhaar se *
*aahoo na muNh nikaalte the sabza- zaar se *
*aaeena mehar ka tha mukaddar ghubaar se *
*gardoon ko tap chaRhi thi zameen ke bukHaar se *
*garmi se muztarib tha zamana zameen par *
*bhun jaata tha jo girta tha dana zameen par *
*girdaab par tha shola-e-jawaala ka gumaaN *
*angaare the habaab, to paani sharar fishaaN *
*munh se nikal pari thi har ik mauj ki zabaaN *
*teh par the sab nihaNg, magar thi laboN pe jaaN. *
*paani tha aag, garmi-e-roz-e-hisaab thi, *
*maahi jo seekH-e-mauj tak aayi kabaab thi *
*aaeena-e-falak ko na thi taab-o-tab ki taab, *
*chhipne ko barq chaahti thi daaman-e-sahaab. *
*sab se siwa tha garm mizaajaon ko izteraab, *
*kaafoor-e-subah dhoondhta phirta tha aaftaab. *
*bhaRhki thi aag gumbad-e-charkH-e-aseer meiN *
*baadal chhipe the sab kurrah-e-zamhareer meiN. *
(Meer Anees )
Re: Meer Anees
Nice n very heart touching sharings muncho n aliyish 