Hamein to
Hukm-e-Mujaawari hai
Mazaar-e-Dil mein hai Kaon Madfun?
Ye Kis Aroosa Ka Maqbara hai?
Na Koi Katba,
Na Koi Takhti,
Na Sang-e-Marmar Ki Sil Pe Likha hua,
Muhabbat Ka Koi Misra
Faqat Sarhane se Paaenti Tak
Amar Ki Bail Ik Lipat Gai Hai
Jo Ik Zamane se Keh Rahi hai
Yahaan Thikana tha Aashqi ka
Ye Peer Khaana tha Aashqi ka..
Kisay Khabar Ke
Yahaan hay Madfun,
Faqeer Koi
Aseer Koi
Ya Phir hay Waris Ki
Heer Koi..
Magar Hamaari
Majaal hi Kya..
Yahaan jo Bolein
Zubaan Kholein
Hamaray Lab to Silay huway hein,
Na Jaanay Kab se Silay huway hein,
Hamein to
Hukm-e-Mujaawri hai
