[thumb=B]php2zQkJd1.JPG[/thumb]
Tu chal ay mausam-e-girriyaa, Phir ab ki baar bhi hum hi
Teri ungli pakarte hain, tujhe ghar le ke chalte hain
Wahaan har cheez waisi hai, koi manzar nahe badla
Tera kamra bhi waise hi para hai, jis tarah tu ne
Ussay dekha thaa, ussay chora thaa
Tere bistar ke pehlu mein rakhi us maiz per ab bhi
Dharra hai woh mug coffee kaa
Ke jis ke khushk aur toote kinaroon per
Abhi tak waswasson aur khwahishoon ki jhaag
Ke dhabbay numaya hain
Qallam hai jiski nib per rat-jaggon ki raushnai yun larazti hai
Ke jaise sookhtay hontoo pe papprii jamne lagti hai
Woh kaagaz hain
Jo be-rooye huwe kuch aanso'oon se bheege rehte hain
Tere chappal bhi rakhe hain
Ke jin ke be-samar talwoon se woh khwaab liptay hain
Jo itna ronday jane per bhi ab tak saans lete rehte hain
Tere kapray
Jo gham ki baarishoon mein dhul ke aye thay
Meri almaari ke haingaroon mein ab bhi latke hain
Dilasoon ka woh geela tauleyya
Aur hichkeyoon ka woh adh-ghulla sabun
Chamakte wash baison mein pare hain aur
Thanday garam paani ki woh toonteyaan ab tak
Rawwaan hain tu jinhain us din
Kisi jaldi mein chalta chor aaya thaa
Dareechay ki deewaar per latki ghari
Ab bhi hamesha ki tarah,
Aadha minute peeche hi rehti hai
Calendar per rukki tareekh ne palkain nahee jhapkeen
Aur us ke saath aawezaan !!
Woh ek manzar,
Woh ek tasveer jis mein woh
Mere shanay pe sar rakhay mere pehlu mein bethi hai
Meri gardan aur us ke gaiso'oun ke paas ek tittlee
Khushi se urti phirti hai
Kuch aisa sehar chaaya hai
Ke dil rukta hawa chalti huwi mehsoos hoti hai
Magar ay mausam-e-girriyaa
Ussi sa'att
Najaane kis taraf se tu chala aaya
Hamaare beech se guzra
Hamaare beech se tu istarah guzra
Ke jaise do mukhaalif raastoon ko kaat'ti sarhad
Ke jis ke har taraf bas dooreyoon ki gard urti hai
Ussi ek gard ke teh si
Tujhe darwazay ki bell per jami shayad nazar ajaye
Koi tasveer ke ander shayad kami nazar ajaye
Tamanna se bhari aankhain jo har dam muskuraati theen
Ab un aankhoon ke konoon mein shayad nami nazar aye
lajavab
great:k: