Mery khawaboon key jharookoon ko sajanay wali
Tery khwaboon mein kaheen mera guzer ha kay naheen
Pooch ker apni nighahoon sey bata dey mujh ko
Meri ratoon key muqaddar mein saher ha key naheen
Chaar din ki yeh rafaqaat jo rafaqaat bhi naheen
Umer bher key liye aazar howi jaati ha
Zindagi yoon to hamesha sey pareshaan si thi
Ab to her saans garaan baar howi jaati ha
Meri ujri howi neendoon key shabistanoon mein
To kisi khawab key peker ki tarah aayi ha
Kabhi apni si, kabhi ghair nazar ayi ha
Kabhi ikhlas ki soorat, kabhi harjai ha
Pyar per bas to naheen ha mera,lekin phir bhi
To batadey key tujhay pyaar karoon ya na karoon
To ney khud apney tabassum sey jagaya ha jinhein
Un tamanoon ka izhar karoon ya na karoon
To kisi aur key daman ki kali ha lekin
Meri rateein teri khusboo sey basi rehti hain
To kahen bhi ho,tery phool sey aariz ki qasam
Teri palkeein meri aankhoon pay jhuki rehti hain
Tery hathoon ki hararat , tery sansoon ki mehak
Sarsarati ha mery zehan ki pehnai mein
Dhoonti rehti hain takhiyual ki baheein tujh ko
Sard ratoon ki sulagti hoi tanhai mein
Tera altaf-o-karam aik haqeeqat to ha mager
Yeh haqeeqat bhi,haqeeqat mein fasana hi na ho
Teri manoos nighaoon ka yeh muhtaat payam
Dil key khoon kerney ka aik aur bahana hi na ho
Koon janeey mery imrooz ka ferda kiya ha
Qurbateein burh key pasheeman bhi ho jati hain
Dil key daman sey lipti howi rangeen nazreein
Dekhtey dekhtey anjaan bhi ho jati hain
Meri dermanda jawani ki tamanaoon key
Muzmahil khawab ki tahbeer batadey mujh ko
Tery daman mein gulistan bhi hain,weraanay bhi
Mera hasil meri taqdeer batadey mujh ko
in my dreams i was drowning my sorrows , but my sorrows learned to swim