Sar-e-taaq-jaaN ye chiraagh-e-dil jo ho chalaa hey dhuwaaN dhuwaan
isey aaj bhi ye gumaan hey ke tu laot aaey ga usi tarhaN
jesey gai rutoN ke bahaao meiN tera qurb mera naseeb tha
jab zindagi ke falak pe thi ik meharbaan si kehkashaaN
jab mohabbatoN ke fishaar meiN tu jaan sey bhi qareeb tha
jab qaol-o-qaraar ke dor meiN hum harf harf azeem they
jab hamaarey leeye be’wafaai ka sochna bhi ajeeb tha
Par maoj-e-dard-e-firaaq bhi dil-e-khush-gumaaN sey na keh saki
ke peymaana-e-ummeed-o-wisaal meiN ye jo hasratoN ki mitthaas hey
aur deeda-e-chashm-o-khayaal meiN ye jo subak subak si hey aarzu
inhey baargaah-e-hayaat sey gar sharf-e-soorat na mil saka
to ik baar phir sey ilm rahey ke rat’jagoN ke farsh sey
khaaboN ki saari kirchiyaaN palkoN sey sameytni hoN gi!
So isi leeye hey ye mashwara ke gai rutoN ko bhool ja
aewaan-e-dil ke khandaroN meiN nai koi shamma jalaa
teri nazar meiN qadam qadam ye jo ratgaoN ke nishaan heiN
is chashm-e-nam ki fikr kar - tujhey ab bhi kesey gumaan heiN!
kisi roz tasht-e-hawaa ke sang us mehvish-e-jaaN ko ravaana kar
terey paas ab bhi hey gar koi, uska phool, tohfa ya khat koi
~DuniyaaN ki Mehfilon se ukta geya huun Ya-Rab
kya Lutf anjuman ka jab DiL hi bujh geya ho~ ~
~kya Nazar dain jo koi Naie ArZoO karain
DiL mey tou Tootne kie bhie Himmat nahin rahi~
