Myri Afsurdugi se pareshan na ho
Tu myri talkhion ka sab’b tu nahi
Teri Ankhain tu myri hee dam-saaz hain
Thee kabhi ajnabi laikin ab tu nahi
Tujh ko myri mussarat muqadam sahi
Tera gham mujh ko wajha Tarrab tu nahi
Tera ehsan hae tu ne myrey liye
Apni pulkon se rahon kay kaantay chunay
Khud karri dhoop main rah kay myre liye
Tu ne zulfon kay shadab saaye bunay
Myri khatir zamanay ko pagal kaha
Myri khatir zamanay kay taa’nay sunay
Tu myri zindgi hae magar Jaan-e-Man!
Ab woh ishq-o-muhaabat ki rasmain nahi
Myrey Dil main kai ghaoo aysey bhi hain
Jin ka darman teri dastras main nahi
Ayk gham jis ki shiddat hama-geer hae
Teray bus main nahi myrey bus main nahi !!
( Ahmed Faraz )