Re: Manzil
Aese chup hain ke ye manzil bhi kari ho jaese
tera milna bhi judaee ki gharhi ho jaese
apne he saaye se her gaam laraz jaata huun
raaste mein koee dewaar khari ho jaese
manzilein duur bhi hain manzilein nazdeek bhi hain
apne he paao'n mein zanjeer parhi ho jaese
kitne nadaan hain tere bhulane waale ke tujhe
yaad karne ke liye umr parhi ho jaese
aaj dil khol ke roye hain tu yun khush hai Faraz
chund lamhon ki ye raahat bhi barhi ho jaese
By : Ahmed Faraz