dekh kar jurm mulamat nahi kerta koee
aaj kal such ki hifaazat nahi kerta koee
apni jannat hi sajaane mein lage rehte hein
boorhe maa’n baap ki khidmat nahi kerta koee
sub duaoon mein kissi shai ki talab hoti hai
ho keh be los ibadat nahi kerta koee
kya buraaee hai, buraaee ko bura kehne mein
lekin izhaar ki jurrat nahi kerta koee
khel ko bhi kaheen aatunk na samjha jaae
khul ke bacha bhi shararat nahi kerta koee
woh musalmaan ko insaan samajhte hi nahi
itni shiddat se to nafrat nahi kerta koee