Humaare zakhm usse kab shumaar karna hai
Qareeb aa keh bahaane se waar kerna hai
jataana chahta hai woh keh ab mein haakim hoon
nishaana us ka mujhe be-waqaar kerna hai
Seyaasi logoon se khidmat ka naam mat lena
keh paanch saal unhein karobaar kerna hai
Humaara naara faqat La-Ilah-ha Illal-lah
Ab aakeh waar kare jisko waar kerna hai
Yeh saara shor to jungle mein be-maaini hai
Usse to sirf humaara shikaar kerna hai
Mein jaanta hoon hawaao’n keh saare mansoobe
libaas phoolon keh ab taar-taar kerna hai
-----Manzar Bhopali