Naqsh yado’n k banatay hain mita detay ha’n
aas k deep jalatay ha’n bhuja detay ha’n
ham say werani-e-gulshan nahi dekhi jati
surkhi-e-dil say gulista’n ko saja detay ha’n
jab bhi zindaan say guzaratay hain saba k jhonkay
teri zulfoo’n ki hame’n yaad dila detay hain
ye andhero’n k puristaar ujaloo’n k raqeeb
jab koi deep jalata hai bhuja detay ha’n
log Mansoor k anjaam say dar ker Ashraf
apnay ehsaas ko soli pe charha detay ha’n
Re: Mansoor
nice :k:
Re: Mansoor
here is another:
kuchh kehne ka waqt nahi hai kuchh na kaho khamosh raho
ae logon khamosh raho, haan ae logon khamosh raho
sach achchha hai, par is ki jadon main, zehr ka ek pyala bhi hai
pagal ho, kyun nahaq ko “suqraat” bano, khamosh raho
**haq acha par is ke liye koi aur marey to aur achchha hai
tum bhi kya “mansoor” ho jo sooli pai charho, khamosh raho
**
un ka yeh kehna sooraj hi dharti kai pherey karta hai
sar ankhoon par, sooraj hi ko ghoomne do, khamosh raho
garm ansoo aur thandi aahen, man main kya kya mausam hain
is bagiya ke bhed na kholo, sair karo, khamosh raho
ankhian moond kinare baithoon, man ke rakhoon band khewar
insha ji lo dhaga lo, aur lab si lo, khamosh raho
Re: Mansoor
Chhoo rahe the zalimon ke sar, mere paon ke sath
Kis qadar ooncha tha main sooli chadh jane ke baad
Re: Mansoor
Mansoor se jazbaat yuhin merte rahen-ge
Hum dar-o-rassan se agar darte rahen-ge
choomen ge lehron ko wohi paar lagen-ge
dooben ge kinaron pe jo derte rahen-ge
Ae mere KHUDA kuch to bata keh mere sapne
Kab tak meri aankhon main yunhi merte rahen-ge
Ae arz-ie wattan hon na ujjale yahan jab tak
Sooraj teri dehliz pe dherte rahen-ge
yeh phool se bache bhi sada pa-et ka indhan
Apni hi tammanaon se bharte rahen-ge
HER SACH KA GALA GHONT KER KAB TAK MERE MUNSIF
ILZAAM KISI AUR SIR PE DHARTE RAHENGE
Re: Mansoor
:k:
Re: Mansoor
sirf ek :k: chalo baqi sari padh ke unke liye bhi :k: post karo.
Re: Mansoor
Nice Sharing…
Re: Mansoor
yaad karte jo nahee’n dil se bhula do mujhko
koi to jurm e mohabbat ki saza do mujhko
ab kashish koi nahee’n hai shab e tanhai mai
ye tamanna hai koi zakhm naya do mujhko
mai pohanch jaaoo’n mohabbat ki hasee’n manzil par
ho sakey tau koi aisi hi saza do mujhko
**
mai hoo’n mansoor tau sooli ho muqaddar mera
mai hoo’n suqrat to phir zehr pila do mujhko**
Re: Mansoor
chaaho tu hamin aaj bhi sooli pe charha dooo…
kuch loog tu har door main mansoor huway hain…!!
Re: Mansoor
Khwab Marte Nahin
Khwab Dil Hain Na Ankhen Na Sansen K Jo
Reza-Reza Hue To Bikhar Jayenge
Jism Ki Maut Se Ye Bhi Mar Jayenge
Khwab Marte Nahin
Khwab To Roshni Hain, Nava Hain, Hava Hain
Jo Kale Pahadon Se Rukte Nahin
Zulm K Dozakhon Se Bhi Phukte Nahin
Roshni Aur Nava Aur Hava K Alam
Maqtalon Main Pohunch Kar Bhi Jhukte Nahin
Khwab To Harf Hain
Khwab To Nur Hain
Khwab Suqraat Hain
Khwab Mansoor Hain
Re: Mansoor
Mansoor Ko Huwa Lab-e-Goya Payam-e-Mout
Ab Kya Kisi Ke Ishq Ka Dawa Kare Koi
(Allama Iqbal)
His talking lip was death’s message to Mansur
How can anybody dare to claim Someone’s Love now