Sharing a master piece of the master …Amal
Aasmaan se inayattain na tujhe mileen na mujhe mileen
Muhabbatoon se raahattain na tujhe mileen na mujhe mileen
Humein aashiqui mein sach mila humein zindagi mein sab mila
Magar bewafaee ki aadattain na tujhe mileen na mujhe mileen
Udhar tu duwa mein laga raha idhar mein duwa mein laga raha
Per man’nattoon se hajjattain na tujhe mileen na mujhe mileen
Thee aarzoo kabhi sahiloon pe tere sath sath hum chal sakain
Per samundaroon se ijazattain na tujhe mileen na mujhe mileen
Jis zindagi ki khwahishoom mein sau rat’jagoon mein sajood keye
Us zindagi ki basharattain na tujhe mileen na mujhe mileen
Hasratoon ke deyoon ko aag kabhi tu ne di kabhi mein ne di
Magar raushni ki allammatain na tujhe mileen na mujhe mileen
Na tu tere dark rukay kaheen na mere zakhm bharay kabhi
Sabar-o-shukar ki haalatain na tujhe mileen na mujhe mileen
Teri manzilain kaheen aur theen meri manzilain kaheen aur theen
Kisi aik simt ki musaffatain na tujhe mileen na mujhe mileen
Tu thehar gaya kisi aur ke ghar mein ruk gaya kisi aur ke dar
Man-pasand si chaahatain na tujhe mileen na mujhe mileen
Hamari purkhuloos neyattoon se manzilain kyon chin gaeen
Muqaddaroon se wazahattain na tujhe mileen na mujhe mileen
By: Amal