**Yaad hai ik din
Mere maiz pe bethay bethay..
Cigaret ki dibbya par tum ne..
Chotay se ik poday ka
Aik A-SKETCH banaya tha..
A kar dekho..
Uss poday par phool aya hai.
**
MAMNOON
Shukriya ap ka
**Ap ne jo kiya...
Warna main is inayat ka qabil na tha..
Meri wooqat hi kya
Main sar-e-rah guzar aik bhujhta diya
Mere mad-e-muqabil thi zalim hawa...
Or ye zalim hwa janay kab se mujhay
Zindgi Mot ke darmiya rakhay janay ki koshish main masroof thi
Main bhi larta raha
Aik umeed par war sehta raha
Shayad aye koi meri imdad ko
Apnay hathon ka hala banay howe
Or phir aysa howa..
Ap aye..
Or ab main ke MAMNOON hoon ap ka
Ap ne apni halki si ik phoonk se..
Mujh ko gull kar diya..**
Warna main is inayat ke qabil na tha.
WO JO SHAIR THA
**Wo jo shair tha, chup sa rehta tha..
Behki behki si baatain karta tha
Aankhain kaanon pe rakh ke sunta tha
Goongi khamoshion ki awazain!!!!!!!!!!
Jama karta tha chand ke saay
Or geeli si noor ki boondain..
Rookhay rookhay se raat ke pattay
OK main bhar ke kharkharata tha..
Waqt ke is ghanay-re jungle main
Kachay pakkay se lamhay chunta tha
Haan, Wohi, Ajeeb sa shair..
Raat ko uth ke konion ke bal
Chand ki thodi chooma karta tha..
Chand se gir ke mar gaya hai wo..
Log kehtay hain Khudkushi ki hai.
**
SHER
*Tu kahan tha zindgi ke roz-o-shab ankhon main thay
Ajj yaad aya ke ansoo be sabbab ankon main thay
_
Kal talak jin ki judai ka qalaq ji kon na tha
Ajj tu bichra to wo bhi sab ke sab ankhon main thay
_
Ab to zabt-e-gham ne pathar kar diya warna Faraz
Dekhta koi ke dill ke zakham jab ankon main thay..
*
Re: MAMNOON
Good going gumrah :k:
Re: MAMNOON
thank you so much.