Gar mujhai is ka yakeen ho mairai hamdam, mairai dost
gar mujhai is ka yakeen ho kai tairai dil ki thakan
tairee ankhon ki udasee, tairai seenai ki jalan
mairee diljoee, mairai pyar se mit jai gi
gar maira harf-e-tasalee wu dawa ho jis se
jee uthai phir taira ujra hua benoor demagh
tairee paishanee se dhul jain ye tazleel kai dagh
gar mujhai is ka yakeen ho mairai hamdam, mairai dost!
Rooz-o-shab shaam-o-sehar main tujhai behlata rahon
main tujhai geet sunata rahon halkai shaireen
absharon kai , baharon kai, chamanzaron kai geet
amad-e-subah kai, mehtaab kai, sayyaron kai geet
tujh se main husn-o-mohabbat ki hikayat kahon
kaisai maghroor heesenaon kai barfaab se jism
garm hathon ki hararat main pighal jatai hain
kaisai ik chehrai kai thehrai huai manoos nakoosh
daikhtai daikhtai yak lakht badal jatai hain
kis tarah aarz-e-mehboob ka shafaf baloor
yak bayak bada-e-ahmar se dahak jata hai
kaisai gulcheen kai lai jhuktee hai khud shakh-e-gulaab
kis tarah raat ka aiwaan mahak jata hai
Yonhi gaata rahon, gaata rahon tairee khatir
geet bunta rahon baitha rahon tairee khatir
per mairai geet tairai dukh ka madawa hi nahi
naghma-e-jirah nahi, monas-o-ghamkhawr sehi
geet nashtar to nahi, marham-e-azaar sehi
tairai azaar ka chara nahi, nashtar kai siwa
aur ye saffak maseeha mairai qabzai main nahi
is jahan kai kisi zerooh kai qabzai main nahi
haan magar, tairai siwa, tairai siwa, tairai siwa
