Assalam alaikum everyone. its that time of the year again and i have my exams in couple of weeks so i won’t be able to come online and appreciate all your nice posts 
…but inshaAllah will be back after my exams jatai jatai aik nazm by Ali Sardaar Jafri… its kinda long but very nice so take the time to read it… have fun everybody and be nice to each other!
phir ik din aisa ayai ga
ankhon kai diyai bujh jain gai
hathon kai kanwal kumhlain gai
aur barg-e-zuban se nataq-wa-sada
ki har titlee ur jai gi
ik kalai sumander ki tah main
kaliyon ki tarah se khiltee hui
pholon ki tarah se hanstee hui
saree shaklain kho jain gi
khon ki gardish dil ki dharkan
sub rangeeniyan so jain gin
har cheez bhula di jai gi
yadon kai haseen butkhanai se
her cheez utha di jai gi
phir ko nahi ye pochai ga
‘Sardaar’ kahan hain mehfil main
lakin main yehan phir ayonga
bachon kai dahan se bolonga
chiryon ki zuban se gaonga
main rang-e-hinna ahang-e-ghazal
andaaz-e-sukhan ban jaonga
rukhsaar-e-uroos-e-nau ki tarah
her anchal se chan jaonga
jaadon ki hawain daman main
jab fasl-e-khizaan ko lain gin
rehroo kai jawan qadmon kai talai
sokhai huay paton se mairai
hansnai ki sadain ayaingi
aur sara zamana daikha ga
her kissa maira afsana hai
her ashiq hai Sardaar yehan
her maushooka Sultana hai
main aik guraizan lamha hon
ayyam kai afsoon khanai main
main aik tarpta katra hon
masroof-e-safar jo rehta hai
mazee ki surahee kai dil se
mustakbil kai paimanai main
main sota hon aur jagta hon
aur jaag kai phir so jata hon
sadiyon ka porana khail hon main
main mar kai amar ho jata hon