MAINE KUB CHAHA THA!!!..
maine kub chaha tha ke main ussey paa loon..
ke woh meri bun jaye
yoon us ka aks meri ankh main chalke
woh meri hur baat ka unwaan hu
us ka hur lafz mere liye sahifa bun jai
maine tu bus yehi chaha tha …ke uski ankh ka ansoo banoon
us ki bandh ankhon main chupey sapne dekh sakon
khud ko mita kar uski hur khwahish puri ker doon
uski ankh ki chamak bun jaon
hur utthtey qadum ki manzil bunjaon
us ka hur aitebar bun joan
maine yeh kub chaha tha ke log usse mujh main dhondain
ke woh pehroon mere khuwabon rahe
meri zaat ke hur zawiye main zahir ho..
aur bus mujh hi se batain karai…
magar najanai kuin…
aaj bhee jub…kisi mehfil main
uski nigah mujhe se takrati hai,aur
ek ankahi si kahani us ki ankhon main nazae ati hai..
jab us ka lehja us ki aam si batoon ko khaas banata hai..
tab main sochta hoon…ke
meri chahatain akhir mere bus main kuin nahi …
kuin is dil ko acha nahi lagta…ke
woh kisi aur se baat karai ya kisi aur ko chahey …
kuin..main anjanai se dukh main ghir jata hoon..
aur khud se hi ulajh parta hoon..
mera haal aur mera khayal ek dosre se larparte hain
maine kub chaha tha ke yuin ho..
main tu faqat chand qadum uske saath chalna chata hoon..per
umur bhur ki rafaqat ki khwahish kuin keraha hoon?..