Main Ussay Waqif-e-Ulfat Na Karoon.....

muddii · March 6, 2008, 8:24am

Souchta Hun Keh Buhat Sada-o-Masoom Hai Woh

Main Abhee Uss Ko Shanasaiy Muhabat Na Karoon
Roh Ko Uss Key Aseer-e-Gham-e-Ulfat Na Karoun
Uss Ko Ruswa Na Karoun, Waqf-e-Moseebat Na Karoun

Soochta Hun Keh Abhee Ranj Say Azaad Hai Woh

Waqif-e-Dard Nahee, Khugar-e-Alaam Nahee
Saher-e-Aaish Main Uss Key Asar-e-Shamm Nahee
Zindagee Uss Kay Liay Zaher Bhara Jaam Nahee

Soochta Hun Keh Mohabat Hai Jawani Key Khizaan

Uss Nay Daikha Nahee Duniyaa Main Baharoun Kay Siwa
Nikhat-o-Nur Say Labraiz Nizaroun Kay Siwa
Sabza Zaroun Kay Siwa Or Sitaroun Kay Siwa

Soochta Hun Keh Gham-e-Dil na Sunaoun Uss Ko

Samnay Uss Kay Kabhi Raaz Ko Uryaan Na Karoun
Khalish-e-Dil Say Ussay Dast-o-Giraybaan Na Karoun
Uss Kay Jazbaat Ko Shula Badamaan na Karoun

Soochta Hun Jala Day Gee Muhabat Uss Ko

Woh Muhabat Key Bhala Tab Kahan Laiy Gee
Khud Tu Woh Aatish-e-Jazbaat Main Jal Jaiy Gee
Or Duniya Ko Iss Anjaam Pay Tarpaiy Gee

Soochta Hun Key Buhat Sada-o-Masoom Hai Woh
Mian Ussay Waqif-e-Ulfat Na Karoun

Shumaisa · March 6, 2008, 9:25am