**Main Ne Kaha K Qaid-e-Wafa Se Riha Karo,
Usney Kaha K Kis Ne Kaha Tha Wafa Karo !
Main Ne Kaha K Aagey Kunwaa’n, Peechey Khaai Hai,
Usne Kaha K Jald Koi Faisla Karo !
Main Ne Kah K Baal Mirey Ho Gaey Sufaid,
Bola K Apney Khoon Ka Bhi Kuch Pata Karo !
Main Ne Kaha K Neend Bhi Aati Nahin Mujhey,
Bola K Saari Raat Ibadat Kia Karo !
Main Ne Kaha K Dard-e-Mahabbat Hai Laa-Dawa,
Bola K Kon Kehta Hai Iski Dawa Karo !
Main Ne Kaha K Maar Bhi Parrti Hai Ishq Mein,
Bola K Haath Pair Bacha Ker Kia Karo !
Main Ne Kaha Khuda Sey Tumhein Maangta Hun Main,
Bola K Phir To Meray Liey Bhi Dua Karo !
Main Ne Kaha K Kaisey Koi Zabt-e-Gham Karey?
Usney Kaha K Zabt Karo Ya Khataa Karo !
Main Ne Kaha Parrhai Mein Lagta Nahin Hai Dil,
Usney Kaha Dimaagh Laga Ker Parrha Karo !
Main Ne Kaha K Aao Karein Kuch Falaahi Kaam,
Bola K Walidein Ki Khidmat Kia Karo !
Main Ne Kaha K Wasl Ki Soorat Nahin Koi ?
Bola K Apni khaal K Ander Raha Karo !
Poocha K Mujh Ko Daikh K Hanstey Ho Kis Leay?
Bola K Merey Saamney Munh Dhuk Lia Karo !!**