MAIN NEYmain nay is taur se chaha tujhe aksar janan..
jaise mehtaab ko be ant samandar chahe..
jaise soraj ki kiran seep k dil main utre..
jaise khushboo ko hawa rang se hat kar chahe..
jaise pathar k kaleje se kiran pooth thi hay..
jaise ghunche khule mosam se hina mangte hain..
jaise khwabon main khayalon ki kamaan toot thi hay.
jaise barish ki duaa aabla paa mangte hain..
mera har khwab mere sach ki gawahi de ga..
wus,at e deed nay tujh se teri khwahish ki hay..
meri sochon main kabhi dekh saraapa apna..
main nay dunya se alag teri paristish ki hay..
khwahish e deed ka mosam kabhi dhundla jo howa..
noch dali hain zamanon ki niqaabain main nay..
teri palkon pe uter thi hoi subhon k liye..
tod dali hain sitaaron ki tanaabian main nay..
tay to yeh tha k sajaata rahe lafzon k kanwal..
mere khamosh khayalon main takalum tera..
raqs karta rahe phirta rahe khushboo ka khumar..
meri khwabon k jazeeron main tabasum tera..
tu magar ajnabi mahol ki parwarda kiran..
meri bhujti hoi raaton ko sehar kar na saki..
teri saanson main maseehai thi likin tu bhi..
chara e zakhm gham e deeda e tar kar na saki.
tujh ko ihsas hi kab hay k kisi dard ka dagh..
[INDENT] aankh se dil main utar jaye to kia hota hay ?
to k seemab tabeeiat hay tujhe kia maloom..
mosam e hijar tehar jaye to kia hota hay ?
tu nay us mod pe tora hay talauq k jehan ..
dekh sakta hi nahi koi palat kar janaan..
ab yeh aalam hay k aankhian jo khulain gi apni..
yaad aaye ga teri deed ka manzar janaan.
mujh se mange ga tere ahd e mohabat ka hisab..
tere hijraan ka dehakta howa mehshar janaan..
yoon mere dil k barabar tera gham aaya hay..
jaise shaishe k muqabil koi pathar janaan..
main nay is taur se chaha tujhe aksar janaan..
…
[/INDENT]
