**mai khudd zamee’n hoo’n magar zarf asman ka hai
k toot karr bhi mera hausla chattan ka hai
bura na maan merey harf zehr zehr sahii
mai kya karoo’n k yahi zaayeqa zabaan ka hai
bichharhte waqt se mai ab talak nahii roya
wo keh gaya tha yahi waqt imtehaan ka hai
harr aik ghar pe musallat hai dill ki veeraani
tamam shehr pe saya merey makaan ka hai
ye aur baat adalat hai be-khabar warna
tamam shehr mai charcha merey bayaan ka hai
asar dikha na saka uskey dill mai ashk mera
ye teer bhi kisi tutii hui kamaan ka hai
qafas tau khair muqaddar mai tha magar MOHSIN
hawa mai shaur abhi tak meri urrhan ka hai **