Main khatawaar hooN , saza do mujhe

Arts & Culture Poetry ( Intikhaab & Sho'ra-e-Gupshup)
1

DostoN,
eik koshih hai.mery liye thodi nayee se hai. aap saboN ki raaye chahiye..!

Main khatawaar hooN , saza do mujhe

TumheiN chaahane ka zurm kiya hai maine
Ab apani nazaroN se gir gaya hooN maiN
Maazi ke tassavur se bhi sharminda hooN
ZillatoN ki mauzoN meiN ghir gaya hooN maiN

Mere jin zazbaatoN se gila hai tumheiN
Ye zazbaat ekhlass ke siva kuchh bhi nahiN
Ye dhaDkaneiN jo tumheiN dekh kar baDh jaati haiN
Eik tootate huye saaNs ke siva kuchh bhi nahiN

Tum jo bhi samjho magar ye jaan-e-wafaa
Ye mohabbat meri ibaadat hai
JahaN bhi jaao tum dil meiN ho mere
Tumhaari bandagi ab meri aadat hai

Tumhaari khushiyoN se kaya lena mujhe
Tumhaari zahmatoN ko chahaa hai maine
Tum jaise bhi ho jiske bhi ho
TumheiN har haal meiN saraaha hai maine

Ye haalaat jin pe vash nahiN hai mera
Etne na kabhee ulajh paatey
Eik tum hi the jise samajhana tha
Shaayad ke tum ye samajh paatey

Ye kaash ke tumheiN bataa paata
MaiN tum se kam majboor nahiN
Tumne hi mujhe na sunana chahaa
Warna aise bhi hum door nahiN

Tum dekh ke mujhe pareshaaN kyoN ho
MaiN waqt ke saath gujar jaoonga
Ho sake to samet lo mujh ko
Warna maiN yu hi bikhar jaoonga

Mujhe tumse koi gila nahiN
Tumhe chahaa hai ye khata hai meri
Jo umra bhar ka azaar ban gae hai ab
Ye jindagi khud saza hai meri.

Tum hi munsif ho aur ye iqbaal-e-jurm mera
MaiN khatawaar hooN, sazaa do mujhe
TumheiN chaahne ka gunaah hua hai mujhse
MaiN gunahgaar hooN,sazaa do mujhe

Baza ye zabt-e-gham phir bhi,mohabbat meiN kabhi ro ley
Dabaane ke liye har dard, ye naadaN nahiN hota.

2

Nice pramod gi

http://www3.pak.org/gupshup/smilies/ok.gif

keeep it up

http://www3.pak.org/gupshup/smilies/smile.gif

~~~~~~~~
phiRa aj haq kaliye jaa’N fida karay koi
wafa bhi jhooM uthay yo wafa karay koi
nimaaZ 14 sadi se hai muntaziR logo|
HussaiN ke tarha aye ada karay koi
~~~~~~~~~

~~Experience is the worst teacher; it gives the test before presenting the lesson.~~*

3

Very well done Pramod

http://www3.pak.org/gupshup/smilies/ok.gif

…keep it up

http://www3.pak.org/gupshup/smilies/smile.gif

MeiN pal do pal ka shaaer hooN…

4

Thanks Chand ji.
Shukriya Amal.

Baza ye zabt-e-gham phir bhi,mohabbat meiN kabhi ro ley
Dabaane ke liye har dard, ye naadaN nahiN hota.

5

fantabolouz

http://www3.pak.org/gupshup/smilies/smile.gif

~kHaBeeS~

6

Thank you khabees ji. You liked it.

Baza ye zabt-e-gham phir bhi,mohabbat meiN kabhi ro ley
Dabaane ke liye har dard, ye naadaN nahiN hota.