Main Kehti Thi Mujhey Tootey sitarey aazmatey Hain

khilat · August 6, 2005, 5:19pm

Main kehti thi mujhey tootey sitarey aazmatey hain
wo kehta tha nahi aksar saharey aazmatey hain

main kehti thi koyi sehraa sulagta hey merey andar
wo kehta tha koyi dariya bilakta hey merey andar

main kehti thi mujhey sulgey shararey yaad rehtey hain
wo kehta tha mujhey dariya kinarey yaad rehtey hain

main kehti thi chalo rishton ki giarahh khol deytey hain
wo kehta tha chalo aankhon main dariya ghol deytey hain

main kehti thi kahani main koyi kirdar baqi hey
wo kehta tha mehaz ik khuab ka angaar baqi hey

main kehti thi main khuabon ka koyi unwan kiya likhon
wo kehta tha issey tum zaat ka zindaan keh deyna

main kehti butt kadon main kis tarah din raat kartey ho
wo bola butt shikan hoon main so khudh ko toar deyta hoon

main kehti thi key ham tum khaak thehraingey mohabat main
wo bola haan yehi sach hey na main paarass na tu sona !

main kehti thi merey sahir ki aankhain bolti kiyon theen ?
wo kehta hey tumhain khamoshiyaan parhney ki aadat thi

main kehti thi merey lehjey ki shid’dat bhool jaou gey ?
wo meri baat par chonka magar kuch bhi nahi bola !!!

Dragon_King · August 7, 2005, 2:10am