Main kehti Thi Key Aankahon Sey Kuhar kab Jaye Gi Aakhir

khilat · August 13, 2005, 7:42am

Main kehti thi k aankhon sey kuhar kab jaye gi aakhir
wo bola jis lamhey seeney sey aakhir sanss jaye gi

main kehti thi sulagti hain jabeeno’n main kyun taqdeerain
wo bola aastano’n main diye jaltey hi rehtey hain

main kehti thi k chehron main koyi apna nahi milta
wo bola k kayi chehrey magar apnon main miltey hain

main kehti thi kinaron’n par diye ab kyun nahi jaltey
wo bola k kinaro’n ney hawa sy dosti kar li

main kehti thi hawa k haath main kia hey bhala rakha
wo bola jagmagatey sab diyo’n ka faisla rakha

main kehti thi k dariya ki udasi sey kahon main kia
wo bola bas meri aankhain unhain parh kar suna deyna

Dragon_King · August 13, 2005, 1:48pm