Gali mein paon ki manoos ahatoun ki sada
Hui hai dar pe jo makhsoos hath ki dastak
K jaisay a hi gaya ho wo jis ne aana tha
Magar jo dekhti hon khol kar mein darwaza
Tou meri aankhon ko kuch bhi nazar nahi aata…!
Main sochti hun k ye intezaar jaari rahay………
Agar milaap k dhagon ne hum ko jor diya
Agar visaal k phoolon ko main ne choom liya
Agar firaq ki raaton ko mein ne chor diya
Main intezaar ki khushboo ko bhool jaon gi !
Main sochti hun k ye intezaar jaari rahay………
Jo meri aankh ki gehraiyon mein jhaank sakay
Jo meray hath ki tehreer se shinasa ho
Wo jis ke zehn ka saya bhi mera apna ho
Wo jis ki subh bhi meri ho shaam bhi meri
Main intezaar usi aadmi ka karti hun..
Jo meri soch ki galiyon mein roshni kar de !
Jo meray dekhnay ka daira wasee kar de !
Jo roz dil k kiwaron mein a k jhaankta ho !
Jo meri shab k piyolon mein roshni bhar de !
Main intezaar usi roshni ka karti hun……….
Wo jis ki chaon ki khushboo mein tu mila tha mujhe !
Wohi udaas shajar teri raah dekhta hai…
Wo waqaiya jo meri yaad ka sawaira hai !
Wo waqt jab k mein teray hi paas rehti thi !
Main intezaar usi zindagi ka karti hun………..