Main Ghazal Kahoon Main Ghazal Perhun Mujhe De To Husn-E-Khayal De
Tera Gham Hi Hai Meri Tarbiyat , Mujhe De To Ranj-O-Malaal De
Sabhi Char Din Ki Hain Chandni Ye Emaaratain Yeh Wazaratain
Mujhe Us Faqeer Ki Shaan De Ke Zamana Jis Ki Misaal De
Meri Subah Tere Salam Se Meri Sham Hai Tere Naam Se
Tere Dar Ko Chor Ke JaaonGa Ye Khayaal Dil Se Nikal De
Mere Samne Jo Paharh The Sabhi Sar Jhuka Ke Chale Gaye
Jise Chahe Tu Ye Urooj De Jise Chahe Tu Ye Zawaal De
Bare Shauq Se Inhi Pattharon Ko Shakam Se Baandh Ke Soo Rahoon
Mujhe **Maal-E-Muft Haraam **Hai Mujhe De To **Rizq-E-Halaal **Day
By Bashir Badr