main aiyna tha, woh maira khayal rakhti thi

Arts & Culture Poetry ( Intikhaab & Sho'ra-e-Gupshup)
1

***main aiyna tha, woh maira khayal rakhti thi
main toot-ta tha to chun kar sambhal rakhti thi

har aik maslay ka hal nikal rakhti thi
zaheen thi, mujhay hairat main daal rakhti thi

main jab bhi tark-e-taluq ki baat karta tha
woh rokti thi mujhay, kal pay taal rakhti thi

bas aik woh thi jisay ghaow main dikhata tha
bas aik woh thi keh jo andmal rakhti thi

woh mairay dard ko chunnti thi apni pooron say
woh mairay wastay khud ko nidhal rakhti thi

woh dobnay nahi daiti thi dukh kay darya main
mairay wajood ki naow uchaal rakhti thi

duain us ki balaon ko rook laiti thin
woh mairay chaar soo hathon ki dhaal rakhti thi

ik aisi dhun kay nahi phir kabhi main nay suni
woh munfarid sa hansi main kamal rakhti thi

usay nadamatain mairi kahan gawara thin
woh mairay wastay asaan sawal rakhti thi

bichar kay uss say main dunya ki thokaron main hon
woh pass thi tau mujhay lazawaal rakhti thi

sahar tha naam , ujalay ghulam thay us kay
woh zindagi kay andhairay ujaal rakhti thi

woh muntazir mera rehti thi dhoop main shaid
main laut-ta tha to chaon nikal rakhti thi

2

Re: main aiyna tha, woh maira khayal rakhti thi

very nice. ab kiya hua ab us se pocho kiya baat hai?

3

Re: main aiyna tha, woh maira khayal rakhti thi

very nice 7star :-)

4

Re: main aiyna tha, woh maira khayal rakhti thi

Thanks Gul.

5

Re: main aiyna tha, woh maira khayal rakhti thi

Be'had khoobsoorat ghazal hey. Jitni bhi tareef ki jaey, kam hey. Thanx for sharing it with us savenstar2003 :~)

6

Re: main aiyna tha, woh maira khayal rakhti thi

its really really amazing!!!
Har shair he bohat khoobsorat hai…
Great Choice i must say…
Thanx alot for sharing such a piece of poetry wid us!!!
:):k:

7

Re: main aiyna tha, woh maira khayal rakhti thi

Amal pasnad karne ka bohut bohut shukeriya.

8

Re: main aiyna tha, woh maira khayal rakhti thi

Thank you very much soniaa_jee.

app ne aur Amal ne tareef ki bohut acha laga.

9

Re: main aiyna tha, woh maira khayal rakhti thi

bohat he achi hai kahin bhi booring nahi lagi
thanks 4 beautiful sharing

10

Re: main aiyna tha, woh maira khayal rakhti thi

Thanks TS

11

Re: main aiyna tha, woh maira khayal rakhti thi

**bahot ki khuubsurat savenstar. me loved it **:bb:

~**~ Tussi Baray ----- Ho ~~~~ ~**~
12

Re: main aiyna tha, woh maira khayal rakhti thi

v nice 7* :)

13

Re: main aiyna tha, woh maira khayal rakhti thi

***bichar kay uss say main dunya ki thokaron main hon
woh pass thi tau mujhay lazawaal rakhti thi

sahar tha naam , ujalay ghulam thay us kay
woh zindagi kay andhairay ujaal rakhti thi ***

Lazawaal rakhti thi very true 7 Brother :bb: thanks for sharing !*

14

Re: main aiyna tha, woh maira khayal rakhti thi

*** Thanks brother.***