Mai tere shehar se guzra to kuch ajab sa laga.
Har ik morr pe naqam hasraton ka hajoom.
Har ik rah mai maqroz khwahishon ki qatar.
Har ik qadam pe shikashta nadamton kay mizar.
Har ik aankh mai marg-e-ta,aluqat ka sog.
Har ik rawish pe rawan justujo-e-rizq mai log.
Tumam log wohi log they ky jin se kbi…!!
Nazar chura ky guzrta tha mai hawa ki tarah.
Tumam saye meri aankh mai bikhrte rahe.
Kisi qareeb ki basti k aashyan ki tarah.
Mai tere shehr se guzra to kuch ajab sa laga.
Keh jese shehr wohi hai, wohi nahi hai magar…!!
Koi gali, koi manzir, kisi rawish ka mizaaj.
Jabeen-e-khak mai paivast hain firaq ky daag.
Fiza-e-zard k saye mai ehtyat k sath.
Ujaar bam mai chalta huwa, udas chirag.
Hawa se puch raha tha…, ik anjnbi ki tarah.
Mere safr ka sabab…, tere musafir ka surag.
Har ik sawal muje kitna be-sabab sa laga…!!!
mai tere shehr se guzra to kuch ajab sa laga…