********* Magar Tumhein Kia *******
Main Aray Tirrchay Kheyal Sochon
Koi Be`Iradah Kitaab Likhon
Koi Shanasa Ghazal Tarashon
Koi Ajnabi Intesaab Likhon
Gawan Don Ek Omar K Zamane
K Aik Pal Ka Hisaab Likhon
Mari Tabiyat Par Munhaser Hai
Main Jis Tarah ka Nisaab Likhon
Ye Mare Apne Mizaaj Par Hai
Azaab Sochon, Sawaab Likhon
Taweel Tar Hai Safar Tumhein Kia
Main Jee Raha Hon Magar Tumhein Kia
Magar Tumhein Kia K Tum Tu Kab Se
Mare Iraday Gawan Chuke Ho
Jala K Sare Haroof Apne
Mari Duaien Bujha Chuke Ho
Main Raat Orhon Ya Subah Pehnoon
Tum Apni Rasmain Utha Chuke Ho
Suna Hai Sab Kuch Bhola Chuke Ho
Tu Phir Mare Dil Pey Jabar Kaisa
Ye Dil Tu Hadd Se Guzar Chuka Hai
Guzar Chuka Hai Magar Tumhein Kia
Khizaan ka Mousam Thehr Chuka Hai
Thehr Chuka Hai Magar Tumhein Kia
Magar Tumhein Kia K Es Khizaan Main
Main Jis Tarah K Bhi Khwaab Likhon.
**
