One of my favourite Ghazal sung by the great Mehdi Hassan Sahab …
***Ranjish hi sahi dil hi dhukanay ke leye aa
Aa phir se mujhe chor ke jaanay ke leye aa
Ab tak dil-e-khush feham ko hain tujh se umeedain
Yeh aakhri sham’main bhi bhujaanay ke leye aa
Pehlay se maraasim na sahi phir bhi kabhi tau
Rasm-o-rahe duniya hi nibhaanay ke leye aa
Ek umer se hoon lazzat-e-gireyaa se bhi mehroom
Ay raahat-e-jaan mujh ko rulaanay ke leye aa
Kis kis ko batayenge judai ka sabab hum
Tu mujh se khafa hai tau zamaanay ke leye aa
Kuch tau mere pindaar-e-muhabbat ka bharam rakh
Tu bhi tau kabhi mujh ko manaanay ke leye aa
Maana ke muhabbat ka chupaana hai muhabbat
Chupke se kisi roz jataanay ke leye aa
Jaise tumhein aatay hain na aanay ke bahaanay
Aise hi kisi roz na jaanay ke leye aa …