Qabool hai mujhe meri maut apni maa ki maut se pehle
mujhe chalna seekhaya bolna seekhaya meri maa ne sab se pehle
mujhe apne dil mein basaya meri maa ne sab se pehle
isi liye nahin chahiye kisi ka sath meri maa ke sath se pehle
sab kuch diya hai mere khuda ne mere maangne se pehle
bas meri ek dua hai ke mujhe utha le meri maa ko uthane se pehle
LOVE YOU MOM
Re: MAA
:k:
Re: MAA
Maa 
Allah sab ki Maaon ko salamat rakhe Ameen
Re: MAA
There is no substitue for mother. No one can step into her shoes.
nice. :k:
Re: MAA
Re: MAA
Bahut umdaah sharing … :k:
Re: MAA
maa baap se barh ker koi neam’t nae
thnx 4 sharing :k:
Re: MAA
MaaN ke bagheir zinda rehney ka koi matlab hey bhi ke nahi? 
Re: MAA
No one can replace moms place :k: Thanks for sharing
Re: MAA
**HAPPY MOTHER’S DAY
**
Re: MAA
Her ik ADAA pay kehna SADA KHUSH raho
MAQROOZ bana diya hy MAA tairee DUAAON ny
Re: MAA
I love my Mother
Allah sab mothers ko hamesha khush rakhay..Ameen
Oº°‘¨Dedicated to MAA¨‘°ºO:heart:
**
Zindagani Ke Safar Me Gardishoon Ki Dhoop Me
Jab Koie Saya Nahi Milta To Yaad Aati Hai Maa
Pyar Kehtai Hain Kisai Aur Mamta Kya Cheez Hai
Koie Un Bachoon Sai Poocheye Jin Ki Marr Jati Hai Maa
Dair Ho Jati He Ghar Aanai Main Aksar Jab Hamain
Rait Per Machli Ho Jaisay Aisay Ghabrati Hai Maa
Marte Dam Bacha Na Aapaye Agar Pardes Se
Apni Donoo Putliyaan Chokhat Pe Rakh Jati Hai Maa
Mout Ki Aaghosh Main Jab Thak Ke Soo Jati Hai Maa
Tab Kaheen Ja Kar Thora Sukoon Pati Hai Maa
Fikr Main Bachoon Ki Kuch Is Terha Ghul Jati Hai Maa
Nojawaan Hotay Huwe Boorrhi Nazar Aati Hai Maa
Rooh Ke Rishtay Ki Yeah Gehrayean To Daikheye
Choat Lagti Hai Humaray Aur Chillati Hai Maa
Ek ek hasrat ko apne azm wo istekhal se
Anso’oan se ghusl de ker khud hi dhafna ti hai maa
Oarhthi hai hasratoan ka khud to bosida kafan
chahatoan ka payrhan bachoon ko pehnathi hai maa
Kab Zarurat Ho Meri Bachay Ko Itna Sooch Kar
Jaagti Rehti Hain Aankhain Aur Soo Jati Hai Ma
Bhuka rehne hi nahi deti yateemon ko khabhi
Jane kis kis se kahan se mang kar lati hai maa
Jane Kitne Barf Si Ratoon Me Aysa Bhi Hua
Bacha To Chaati Pe Hai Gelay Main Soo Jati hai Maa
Jab Khilone Ko Machalta Hai Koie Ghurbat Ka Phool
Aansoon Ke Saaz Par Bachay Ko Behlati Hai Maa
Apnay Aanchal Se Gulabi Aansuoon Ko Poonch Kar
Dair Tak Gurbat Pe Apne Ashk Barsati Hai Maa
samne Bachoon Ke Khush Rahti Hai Har Ik Haal Main
Raat Ko Chup Chup Ke Laikin Ashk Bahati Hai Maa
Pehlay Bachoon Ko Khilati Hai Sukoon-o-Chain Se
Baad Mai Jo Kuch Bacha ho Shouk Se Khati Hai Maa
Mangti Hi Kuch Nahi Apnai Leye ALLAH Se
Apnai Bachoon Ke Leye Daman Ko Phailati Hai Maa
Jane Anjane me hojaye jo bachoan se kusoor
Ek anjaani sazaa ke dar se tharrathi hai maa
Apne bachoan ki bahaar-e-zindagi ke waste
Ansooan ke phool har mausam me barsati hai maa
Har Eebadat Har Mohabbat Mai Nihan Hai Ek Gharaz
Be-Gharaz, Be-Lous, Har Khidmat Ko Kar Jati Hai Maa
Bazuwoon Me Khinch Ke Aajayegi Jaise Kayenat
Apnai Bachay Ke Leye Bahoon Ko Phailati Hai Maa
Zindagani Ke Safar Me Gardishoon Ki Dhoop Mai
Jab Koie Saya Nahi Milta To Yaad Aati Hai Maa
Safha-e-Hasti Pe Likhti Hai Usool-e-Zindagi
Is Liye Ek Maktab-e-Islam Kehlati Hai Maa
Us Nayi Duniya Ko Diye Masoom Rahber Is Leye
Azmatoon Me Sani-e-Quran Kehlati Hai Maa
Ghar Se Jab Pardes JaTa Hai Koie Noor-e-Nazar
Haath Main Qur’an Le Kar Dar Pe Aajati Hai Maa
De Ke Bachay Ko Zamanat Main Raza-e-Pak Ki
Peechay Peechay Sar Jhookaye Door Tak Jaati Hai Maa
Kanpti Aawaz Sai Khaiti Hai “Baita alwida”
Samne Jab Tak Rahe Haatoon Ko Lehrati Hai Maa
Jab Parayshani Me Ghir Jate Hain Hum Pardes Me
Aansuwoon Ku Poanch Ne Khwaboon Main Aajati Hai Maa
Baad Mar Janai Ke Phir Baite Ki Khidmat Ke Leye
Bhes Beti Ka Badal Kar Ghar Main Aajati Hai Maa
Chahe hum khushyoun me maa ko bhool jayen doasto
Jab musibat sar pe aati hai to yaad aati hai maa
Door Ho Jati Hai Sari Omr Ki Us Dum Thakan
Biyah Kar Betay Ka Jab Ghar Bahu Lati Hai Maa
Cheen lati hai wohi aksar sukoon-e-zindagi
Pyar se dhulhan bana kar jis ko ghar lati hai maa
Zabt tho dakho ke itni berukhi ke baujood
Bad dua deti hai hargiz aur na pachtati hai maa
Saal bhar me ya khabhi hafte me jumeraat ko
Zindagi bhar ka sila ek Fateha pati hai maa
Umr bhar ghafil na hona matame Shabbir se
Raat din apne amal se hamko samjati hai maa
Yaad aata hai shab-e-ashoor ka karyal jawan
Jab khabi uljhi huyi zulfon ko suljhati hai maa
Ye bata sakti hai hum ko bus Rabab-e-Khastatan
Kis tarha bin doodh ke bache ko behlati hai maa
Shimr ke khanjar se ya sukhe gale se puchiye
“Maa” idhar mun se nikalta hai udhar aati hai maa
Aysa lagta hai kisi maqtal se ab bhi waqte asr
Ek burida sar se “pyasa hoon” sada aati hai “maa”
Apne gam ko bhool kar rothe hain jo Shabbir ko
Un ke ashkoan ke liye Jannat se aajati hai maa
Shukriya ho hi nahi sakta khabhi us ka ada
Marte marte bhi dua jine ki de jati hai maa**
**Happy mother’s day **
Re: Oº°‘¨Dedicated to MAA¨‘°ºO:heart:
itni lambi Ghazal…
aadhi parhi hai baqi bad main parh lon gi…
PS..Nice :k:
Happy mothers day…
Re: MAA
**wowwwwwwwww!!!!!!!! mother's day is here!
vaise, i believe mother's day must be everyday. i lost my mom at a very early age * so i do miss her everyday and i understand full well how blessed are those who still have their mothers with them.
i wrote this quatrain a few years ago, i wud like to share with u:
ammaaN kii hii aaGhosh meN shaKhs palaa hai
vaalidah kaa adab vaalid saaHab se sivaa hai
ammii kii itaa'at na karuuN maiN to Khataa hai
zer-e-qadam-e-vaalidah firdaus-e-'alaa hai! :)
translation:
every human is raised in his/her mom's lap
respects of the mother is more than the father
if i do NOT respect/serve my mother, its my LOSS
for the Heaven lies under the feet of mothers :)***
Re: Oº°‘¨Dedicated to MAA¨‘°ºO:heart:
Awesome :k:
Happy Mothers Day
Love u Mom
Re: ♥Oº°‘¨Dedicated to MAA¨‘°ºO♥
**Pyar Kehtai Hain Kisai Aur Mamta Kya Cheez Hai
Koie Un Bachoon Sai Poocheye Jin Ki Marr Jati Hai Maa
bohat aalla.... I have lost my ammi jani 2 months back...:'(
Re: ♥Oº°‘¨Dedicated to MAA¨‘°ºO♥
**Pyar Kehtai Hain Kisai Aur Mamta Kya Cheez Hai
Koie Un Bachoon Sai Poocheye Jin Ki Marr Jati Hai Maa
bohat aalla.... I have lost my ammi jani 2 months back...:'(
Re: MAA
Bohat Khoob Simii & Pktun..:k:
Re: ♥Oº°‘¨Dedicated to MAA¨‘°ºO♥
**Pyar Kehtai Hain Kisai Aur Mamta Kya Cheez Hai Koie Un Bachoon Sai Poocheye Jin Ki Marr Jati Hai Maa
bohat aalla.... I have lost my ammi jani 2 months back...:'(
Really sad Momo...:( Allah Taala Unhein karwat karwat Jannat Ata Farmaye, Aur aapko sabr de, Ameen