http://i54.tinypic.com/2uz5flc.jpg
*Juzz tere koi bhi din raat na jaane mere
Tu kahaan hai magar, ay dost puraane mere
Shama ki lau thee ke woh tu thaa magar hijar ki raat
Dair tak rota raha koi sirhaanay mere
Khalq ki be-khabri hai ke meri ruswai
Log mujh ko sunaatay hain fasaanay mere
Lutt ke bhi khush hoon ashkoon se bhara hai daman
Dekh gaarat-e-dil yeh bhi khazaanay mere
Aaj ek aur baras beet gaya us ke baghair
Jis ke hote huwe thaa zamaanay mere
Kaash tu bhi meri aawaaz sunta ho
Phir pukaara hai tujhe dil ki sada ne mere
Kaash tu bhi kabhi aa jaye masehai ko
Log aatay hain bahut dil ko dukhanay mere
Kaash auroon ki tarah mein bhi keh sakta
Baat sun li hai meri aaj Khuda ne mere
Tu hai kis haal mein ay zood-o-faramosh mere
Mujh ko tau cheen liya ehadd-e-wafa ne mere
Chaara-gar tau bahut hain magar ay jaan-e-Faraz
Juzz tere aur koi gham na jaanay mere …