Souz-e-gham de ke mujhe us ne yeh irshaad kiya
Jaa tujhe kashmakash-e-dehar se aazaad kiya
Woh karain bhi tu kin alfaaz mein tera shikwa
Jin ko teri nigah-e-lutf ne barbaad kiya
Dil ki choutoon ne kabhi chain se rehne na diya
Jab chali sard hawa mein ne tujhe yaad kiya
Ab mein sau jaan se is tarz-e-takallum ke nisaar
Phir tu farmaeyey kya aap ne irshaad kiya
Is ka rona nahee kyon tum ne kiya dil barbaad
Is ka gham hai ke bahut dair mein barbaad kiya
Itna manoos hoon fitrat se kali jab khilli
Jhuk ke mein ne kaha mujh se kuch irhsad kiya
Mujh ko tu hosh nahee tum ko khabar ho shaayad
Log kehte hain ke tum ne mujhe barbaad kiya…
