Chehrey Parhta Aankhein Likhta Rehta Hoon
Main Bi Kaisi Baatein Likhta Rehta Hoon
Tujh Ko Khat Likhney Ke Tevar Bhool Gaye
Aari Tirchhi Satrein Likhta Rehta Hoon
Tujh Se Mil Ker Sarey Dukh Duhraon Ga
Hijar Ki Saari Baatein Likhta Rehta Hoon
Tere Hijar Mein Aur Mujhe Kya Karna Hai
Tere Naam Kitabein Likhta Rehta Hoon
Teri Zulf Ke Saaye Dheyaan Mein Rehtey Hain
Main Subhon Ko Shaamein Likhta Rehta Hoon
Apney Pyaar Ki Phool Mehakti Raahon Mein
Logon Ko Deewarein Likhta Rehta Hoon
Sokhey Phool,Kitabein,Zakhm Judai Ke
Teri Sub Sugatein Likhta Rehta Hoon
Iis Ki Beghi Palkein Hansti Rehti Hain
Mohsin Jub Tak Gazalein Likhta Rehta Hoon
By:Mohsin Naqvi
