is say pehalay ke dayar-e ghair main
un daikhay weeranay
aur andhairoon kay dhundhlakay
tumhari waapsi kay rastay madoom karain
… apnay dar-o- deewar ko laut jana,
is say pehlay ke hijar ki wehshatain
aur ta had-e- nazar faslay
tumhain rishtoon ki pehchaan bhula dain
…ghar kay angan ko laut jana,
is say pehlay ke tanhaey ka zehar
akailay pan ka junoo aur daulat ki hiras
tumhari ragoon main shamil ho kay
tumhain raiza raiza karay
…us mehfil-e-yaaraan ko laut jana,
haan
is say pehlay ke buht dair ho
chand muntazir ankhoon main
…koey andhair ho..aur un main
umeed kay diyay hamaisha kay liay bujh jaain
…un ki roshni ki khater !!
laut jana,
is say pehlay ke bachpan kay qissay
tumharay boorahy maan baap kay saath
bin khabar kiyay musht-e- khaak hoon
… un na tawaan hathoon main laut jana,
is say pehlay ke tumharay piyaroon ko
tum say pehlay…tumharii maut ki kahbar ponhnchay
wo bahar chehray khizaan raseeda hoon
…un piyaroon ko…un bahaaroon ko laut jana,
aur…
is ay pehlay ke tum akhri hichki lo
tumhari qabar ghair ki zameen ka paivand banay
aur ye jisam is main ghul kar koey khiyanat karay
kuch wapas lautanay kay liyay
…apni mitti ko laut jana.
:k: