noor maathe par ufaq ke chhaa raha hai
lamha lamha wasl ka ghabra raha hai
bad-.gumaani hai usse kis baat par yooN
chaand jo itna wahaN itra raha hai
tha buhat betaab unki deed ko dil
mil gayi nazreN to yooN sharma raha hai
ja chuka hai bazm-e- mai se door phir bhi
kyuN hameN ab tak nazar woh aa raha hai?
waqt rukhsat ka qareeb aane laga jab
dil hamaara gham se Dooba ja raha hai
aane waala hai yahaN toofaaN koi
aaj mera dil buhat ghabra raha hai
hain buhat dushwaar tum bin din hamaare
“ab to aa ja, waqt-e-aakhirat aa raha hai”
Irfan Ismail