~AURUT~
zamaane waale usey ghulaam samjhey,
kabool usey hain har ilzaam samjhey,
woh khushi ki hain nayi subha gar,
log isey udaas ek shaam samjhey,
Berukhi se hukm sunaaney waaley,
Zulm sehnaa he inka kaam samjhey,
Kismat seh miley agar kisi koh gauhar,
Yeh fakeer kya uska daam samjhey,
Khushi par haq nahi hain inka yaaroN,
Gham magar inke tamaam samjhey,
Beemaan hain Be-ilm hain wo log,
zamaaney mein inhe badnaam samjhey
Inke baghair zamaana chalega toh nahi,
der na ho jab tak iska anjaam samjhey,
hum toh bas duaa karey unke liye,
inke zakhmoN koh joh aam samjhey,