Lafz ba Lafz- Poetry game

[muqawwee123]

Rules to yaad ho hi gai honge… nahin… to lejiye phir se padh len

Rules:

1. Poster will post a shair and ask the other posters to post a shair with a word in that shair. The poster who posts next shair (having that word) will then chose a word from his/ her posted shair and asked other poster to come up with shair (having a word used in that shair). zyada difficult hogaya

Lets understand with an example:

I post shair :

Na tha kuch to khuda tha, kuch na hota to khuda hota
duboya mujh ko hone ne, na hota main to acha hota

and I ask to post shair having word Khuda… The next poster come up with this shair:

Muhabbat kar sakte ho to khuda se karo Faraz
mitti ke khilono ne wafa nahin milti

and ask for shair containing word ‘khilona’

2. only two lines ashaars are acceptable . No Nazm, etc allowed

Simple

So post a shair having word ‘khilona’.

ab silsila wahin se shroo karte hain ahan se toota tha:

@ehsan

**Sardiyon ****ki raaton mein apne apne gaon mein gird alaow ke bethe hein
Ham se kitne deewane tere mere qisson mein apna gham sunate hein

gird**

manzar ke ird-gird bhii aur aar paar dhund
aa’ii kahaaN se aaNkh meN ye be-shumaar dhund

UK ka foggy mosam
**
Dhund se shair**

[hybridkamal]

Re: Lafz ba Lafz- Poetry game

har taraf dhund hai, jugnoo hai naa chiraagh koi,
kaun pehchaaney gaa, basti mein agar jaun gaa

jugnoo

[muqawwee123]

Re: Lafz ba Lafz- Poetry game

jugnu ko din ki roshni main parakhnay ki zid karain
bachay hamaray ehad kay chaalaak ho gaye

chalaak

[ehsan]

Re: Lafz ba Lafz- Poetry game

Koi ta'weez aisa doh kay mein chalaak hO jaa'un**
Bohot nuqsaan deti hai mujhey yeh saadgi meri

saadagi **

[hybridkamal]

Re: Lafz ba Lafz- Poetry game

Iss Saadgi Pey kaun Naa Mar Jaaye Ae Asad
Lartey hain Aur haath Mein Talwaar Bhi Nahin

talwaar

[muqawwee123]

Re: Lafz ba Lafz- Poetry game

Khanjar sey karo bat na talwar sey pocho,
Main qatl howa kesey merey yaar sey poocho

yaar

[ehsan]

Re: Lafz ba Lafz- Poetry game

**yaar ko main ne mujhe yaar ne sone na diyaa
raat bhar taalaa-e-bedaar ne sone na diyaa

Bedaar
**

[muqawwee123]

Re: Lafz ba Lafz- Poetry game

Uqaabi Rooh jab bedaar hoti hai jawanon main.
nazar aati hai uss ko apni manzil aasmaano main

Rooh

[ehsan]

Re: Lafz ba Lafz- Poetry game

**nagmaa wahii hai nagmaa ki jis ko
rooh sune aur rooh sunaaye
husn wahii hai husn jo zaalim
haath lagaaye haath na aaye

Sunaaye**

[muqawwee123]

Re: Lafz ba Lafz- Poetry game

khamoshi ka hasil bhi ik lambi si khamoshi hai
un ki bat suni bhi hamane apni bat sunai bhi

Hasil

[ehsan]

Re: Lafz ba Lafz- Poetry game

**Aisi dewaangi say kya hasil
Quwat e fikar jis me ghat jaey
Zindgi alam me att jaey
Admi zindgi say cut jaey

Quwat
**

[tarash]

Re: Lafz ba Lafz- Poetry game

Jo hai Shabbir ki Quwat ' Ali ko naaz hai jispar.!
Jishe Zehra kahe beta ' use Abbas kaihte hai.!

naaz

[hybridkamal]

Re: Lafz ba Lafz- Poetry game

usey kehna qismat pey itnaa naaz bhi naa kiya karey
mein nai baarish mein bhi jaltey huey ghar daikhey hein

ghar

[Microbian]

Apni gali mein apna hi ghar dhoondte hain log,
Amjad Ye kon shehar ka naqsha badal gaya

Naqsha

[muqawwee123]

Re: Lafz ba Lafz- Poetry game

Tum nay Daikha he nahi Naqsha meri Tanhai ka..
Aik Qayamat hai jo her Shab Guzar jati hai

Shab

[hybridkamal]

Re: Lafz ba Lafz- Poetry game

kal choudhween ki raat thi, shab bhar raha charchaa teraa
kuch ney kahaa yeh channd hai kuch ney kahaa chehra tera

charchaa

[muqawwee123]

Re: Lafz ba Lafz- Poetry game

Apni ruswai aur tere naam ka charcha dekhon.
Ek zara Shair kahon aur mein kia kia dekhon

Shair

[ehsan]

Re: Lafz ba Lafz- Poetry game

**apni ruswai tere naam ka charcha dekhun
ek zara shair kahun aur main kya kya dekhun

Charcha **

[muqawwee123]

Re: Lafz ba Lafz- Poetry game

Kuch na Kehny ka bhi Charcha hi hua,
Gham Taaluq ka Tamasha hi hua,

Har Talab Zilat_E_Khuddari thi,
Tum na thy Sath! Ye Acha hi hua,

Talab

[ehsan]

Re: Lafz ba Lafz- Poetry game

**Har Taraf Raah Main Thay Kaanty Bichay Huay
Mujh Ko Teri Talab Thi, Guzarte Chale Gaye

Guzartey**