laakhon ki sunaa tum ne taqdeer sanvaaree hai
mujh se yahee kah dete ab ke teree baaree hai *
Daalee hai nazar jab se ek nashaa saa taaree hai
kyaa ko_i pari saaqee sheeshe men utaaree hai *
kyaa us ko rijhaayenge jannat ke haseen jalve
dahaleez tere dar kee jis shakhs ko pyaaree hai *
virase men mili hum ko shaahi bhi faqeeri bhi
aur gham to “Shafaq” goyaa jaageer hamaaree hai *
~~~~~~~~
Syed Shafaz Shah Chishti
~~~~**~~~~
Re: laakhon ki sunaa tum ne taqdeer sanvaaree hai
poet ka naam kuch ajeeb sa hai 
Re: laakhon ki sunaa tum ne taqdeer sanvaaree hai
jee haan kucchh poets ajeebogareeb naam waale hote hain 