**
Kia umeed aur kia silah
kesa dukh aur kia gila
teri khuahish they ye rastey
in Raastoon sey kia mila?
Bey nishaan manziloon ki
musafatoon key samar kahan!
ye sehraaoon ki dhoop theri
aur dhoop main abar kahan!
Aksar chamakti rait sey
hota hai dhooka aab ka
khuaab ka!
saraab ka!
kisi oojhal azaab ka!
So bey aabi buhut bhetar thi
kash key samajh paatey tum
buhut acha hota aey dost
jo koi khuab na jagatey tum
Key baaz auqaat raastoon sey mumkin
wapsi nahee hoti!
Aksar manziloon ko pa key bhi
koi khushi nahee hoti…!!! **
