~*~ Kyon bicharte hain aise log jin ki batain un ki yadain ban jati hain ~*~

Arts & Culture Poetry ( Intikhaab & Sho'ra-e-Gupshup)
1

*Yun tu zindagi mein hazaroon loug aatay hain aur chale jaatay hain magar jeewan mein aik baar aisa koi zaroor milta hai jissay be-ikhteyaar apna kehne ko ji chaahata hai.. Dil us ki raah mein khushiyaan bikherne ko machal uth’ta hai aur us ke har gham ko apne ander samoo lene ko ji chaahata hai…

Rab’ul’Izzat us ke chehre ko itni khoobsurati se taraashta hai ke woh chehra hamare dil ki ghehraeyoo mein apni yaadain pewast kar ke phir aik dam hum se zindagi ke anjaane mour per
hamesha hamesha ke leye juda hojaataa hai…

Phir na jaane kyon woh haseen chehra bhulaye nahee bhool paata, us ki yaadoon ki kirchiyaan dil mein paiwast hokar reh jaati hain… Agar un ko dil se nikaala jaaye tu takleef hoti hai…
Aur agar waise hi rehne diya jaaye tu dukh bardasht se baahar hojaata hai…*

Yeh sulaghti yaadain ashkoon ke siwa kuch nahee deti…
Kaun hai jo taqdeer se yeh poochay …

Kyon bicharte hain aise loug jin ki baatain
un ki yaadain ban jaati hain…

http://i56.tinypic.com/257zyb8.jpg

**
Be-karaan tanhaeyoun ka silsila reh jaayega
Tere mere darmeyaan bas ek khala reh jaayega

Aks beh jaayenge sare dhoop ke sailaab mein
Aur koi paaneyoun mein jhaankta reh jaayega

Mujh ko mere hamsafar aisa safar darpaish hai
Rasta kat bhi gaya tau faasila reh jaayega

Log sojayenge khamoshi ki chaadar ourh kar
Chaand sonay aanganoon mein jagta reh jaayega

Jo kabhi us ne parheen thee mujh se ‘Nasir’ maang kar
Naam mera un kitaaboon mein likha reh jaayega …

**

2

Re: ~~ Kyon bicharte hain aise log jin ki batain un ki yadain ban jati hain ~~

bohat achi sharing hai.. baar-ha paRhi hai lekin aaj phir paRh k bohat acha laga
salamat rahiye

3

Re: ~~ Kyon bicharte hain aise log jin ki batain un ki yadain ban jati hain ~~

boht aala sharing hai Arif bhai...

aur jahan tak ap ne kaha ke zindagi main hazaron log aatay hain aur chalay jatay hain...to mera bhi yehi man'na hai ke zindagi milnay bicharny ka ajeeb khel hai..kuch yadain reh jati hain. lekin agar hum un yadon main jeenay ki bajaye Allah se doa karain ge wo humain himat de aur ainda zindagi asan banaye to ziada behtar hai..:)

Allah sab ko sabar ata karny wala hai...khush rahiye aur humary sath aisi hi achi achi shairi share karty rahiye...:)

4

Re: ~~ Kyon bicharte hain aise log jin ki batain un ki yadain ban jati hain ~~

baut hi khoobsorat batein apne likhi hain
baut hi nice sharing
jane walon ki yaadein hi reh jati hain
suprubbbbbbbbbb

5

Re: ~~ Kyon bicharte hain aise log jin ki batain un ki yadain ban jati hain ~~

Dukh aur sukh mosamoN ki tarha hote heiN, aatey heiN aur chaley jaatey heiN. Waqti nishaaniyaaN bhi chorr jaatey heiN, jesey baarisheiN, lekin paani aakhir sookh jaata hey, barf parrti hey to pighal bhi jaati hey, din bhar sooraj jhulsaata hey to shaam aur raat mil kar raahat ka saaman peda kartey heiN. Muskuraatey rehna zindagi sey intiqaam leney ka behtareen tareeqa hey :slight_smile:

Rahi baat bicharrney waaloN ki, to ye to insaan ki azli na’shukri aur aur gheir-tashafiaaN tabiat hey. MeiN ney aek jaga parrha tha:*** Anything you lose, automatically redoubles in value***. Ye hey insaan ki fitrat :slight_smile:

6

Re: ~~ Kyon bicharte hain aise log jin ki batain un ki yadain ban jati hain ~~

Nice one Amarbail :k:

7

Re: ~~ Kyon bicharte hain aise log jin ki batain un ki yadain ban jati hain ~~

bohat khoob :k:

8

Re: ~~ Kyon bicharte hain aise log jin ki batain un ki yadain ban jati hain ~~

Thank you all my friends ... :)

9

Re: ~~ Kyon bicharte hain aise log jin ki batain un ki yadain ban jati hain ~~

very nice.