Kuttay na maro 
Bhow Bhow kartay howay kutton ka bhi dil hota hay…
Wo bhi dunnia main bhonkna chahtay hain…
Wo chahtay hain k koi ho jo un ki bhonkain sunain aur daad day un ko
aur kahay wah kia bhonktay hain aap aur phir uss kuttay ka chehra sharma kar mazeed khoobsoorat hojai…
Yeh kuttay to insanoon say bhi achay hain, dil kay kaalay nai hotay…
Doston kay dost hotay hain, kisi ko dhoka nai daitay…
Kisi ko faraib nai daitay kisi say jhoot nai boltay…
kisi ka dil nai torhtay…
Khud pathar kha laitay hain lekin zabaan say uff tak nai kartay sirf karRah kar Bhonk daitay hain…
lekin kabhi palatt kar yeh nai poochtay kisi hazrat e insaan Say k bhai sahib aap nay hamain q maar kar zakhami kardia
Jo bhi mil jai kha laitay hain jahan sar chupanay ko jagah mil jai to sojaatay hain…
Na zameen par jhagra
Na Zarr par jhagraa
Aur na hi Zann par jhagra kartay…
Gosht na ho to haddi bhi chaba laitay hain lekin shikwa nai kartay…
Insaan to kisi shadi main jakar gosht say bhari haddi bhi jhatak kar phaink daita hay
Lekin yeh kuttay uss haddi ko bhi izzat day kar kha laitay hain aur apnay pait ki aag ko bhuja laitay hain…
Yeh kuttay bol nai saktay lekin dard-e-dil rakhtay hain…
koi insaan udaas ho to yeh kuttay pareshan hojaatay hain… lekin koi kutta beemar bhi ho to insaan ussay dhakkay hi maarta hay…
Kia kabhi kisi insaan nay kisi kuttay ki aankhoon kay raastay uss kay dil main jhaanka hay kabhi ? … agar moqa lagay to zaroor daikhna uss kay jazbaat ki kitni gehraai hay…
Kabhi unn behtay howay ansoon ko apnay roomal say pochnay ki koshish karna…
Kabhi kisi kuttay ko apni goad main lay kar uss kay sar par apna haath phairna…
Kabhi apnay moonh main jati howi boti kisi kuttay ko day kar daikhna…
Phir daikhna yeh haqeer janwar kaisay ap ko apnay sar aankhoon par bithata hay 
Faqat aik Insaaan
Ata…
