kuchh to havaa bhe sard thee kuchh thaa teraa khayaal bhii
dil ko Khushe ke saath saath hotaa rahaa malaal bhe
baat vo aadhe raat kii raat vo puure chaand ke
chaand bhe ain chet kaa us pe teraa jamaal bhe
sab se nazar bachaa ke vo mujh ko aise dekhate
ek dafaa to ruk gae gardish-e-maah-o-saal bhe
dil to chamak sakegaa kyaa phir bhe taraash ke dekh lo
sheshaagaraan-e-shahar ke haath kaa ye kamaal bhe
us ko na paa sake the jab dil kaa ajeeb haal thaa
ab jo palat ke dekhiye baat thee kuchh muhaal bhe
mere talab thaa ek shakhs vo jo naheen milee to phir … 
haath duaa se youn giraa bhuul gayaa savaal bhee
shaam ke naasamajh havaa puuchh rahee hai ik pataa
mauj-e-havaa-e-kuu-e-yaar kuchh to meraa Khayaal bhe
us ke he baazuuon mai aur us ko he sochate rahe
jism ke khvaahishon pe the ruuh ke aur jaal bhe
