'kuchh aur kehti hai'

Arts & Culture Poetry ( Intikhaab & Sho'ra-e-Gupshup)
1

**Nasheman par gira ke barq kya kuchh aur kehti hai?
Humare hauNsle ko dekh kazaa kuchh aur kehti hai?

Mareez-e-ishq hooN beemari-e-dil ka takaazaa hai
Dawaa kuchh aur kehti hai, dua kuchh aur kehti hai

Tere khat meiN likhe har lafz ka sach janta hooN par
Ibaarat meiN chhupii teri ada kuchh aur kehti hai

Bulaati hai mujhe miTTi ki soNdhi-si mehek vapus
Vatan meiN par samaa’ii jo fiza kuchh aur kehti hai

Usey dene ko dey sakta hooN uske lehze meiN uttar
Meri tehzeeb mujhse par Khuda kuchh aur kehti hai

Tere rehem-o-karam kii toh khudara baat hai kuchh aur
Magar meri khataa mujhse Khuda kuchh aur kehti hai

Voh lauTa hai naa lauTega Yadu yeh janta hooN main
Magar maiN kya karooN dil ki sadaa kuchh aur kehti hai !!! **

                           **Waseem **
2

Once again a good choice to share ** Dost **
Keep doing.
Thanks

3

[QUOTE]
Originally posted by Pramod: *
Once again a good choice to share * Dost **
Keep doing.
Thanks
[/QUOTE]

Thanx sir jee per yeh humari apni Ghazal hai ! ab yeh mat kahiye ga aap ko yeh ghazal Sho'ra-e-Gupshup per post karni chaiye thi :)

4

Boht khoob…:k: :flower1:

5

Thanx :slight_smile:

6

*Tere khat meiN likhe har lafz ka sach janta hooN par
Ibaarat meiN chhupii teri ada kuchh aur kehti hai

Voh lauTa hai naa lauTega Yadu yeh janta hooN main
Magar maiN kya karooN dil ki sadaa kuchh aur kehti hai !!! *

zabardast, bohat khobsurat shair hai ye :k::k:

7

Thanx Jee

8

[QUOTE]
*Originally posted by koiDost: *

Thanx sir jee per yeh humari apni Ghazal hai ! ab yeh mat kahiye ga aap ko yeh ghazal Sho'ra-e-Gupshup per post karni chaiye thi :)
[/QUOTE]

Ye to aur bhii achhi baat hai ke ye aap kii ghazal hai. bahot hii achha likha hai aap ne.
Ye ghazal to yahiN post honii chaahiye .. "Sho'ra-e-Gupshup" to ham jaaise sikhne waaloN ke liye hai....