Kuch Yadain Meray Maazi Ki..

[Ali_2]

Re: Kuch Yadain Meray Maazi Ki..

@redidentity

Aik Nazm,

Meray Maazi Ke Auraqo’n Pe
Kuch Bikhri Bikhri Yaadain Bhi

Kuch Gul’daston Ke Tohfay Hain
Kuch Khaar Bhari Soghatain Bhi

Kuch Wasl Ke Komal Lamhay Hain
Kuch Hijr Ki Tanha Raatain Bhi

Kuch Pyar Ki Pyari Si Fathain
Phir Baad Main Sangee’n Maatain Bhi

Kuch Bheegi Bheegi Yaadain Hain
Kuch Aankhon Ki Barsatain Bhi

Kuch Sath Nibhanay Ke Waaday
Phir Jhoot Ki Gehri Ghaatain Bhi

Kuch Jaagti Aankhon Ke Sapnay
Kuch Khuaab Main Darti Raatain Bhi

Kabhi Tanhai Ki Mehfil Aur
Kuch Bay’maani Mulaqatain Bhi

Main Sochta Hoon Ger Waqt Milay
Her Yaad Ko Ek Unwaan Main Doon
Her Unwaa’n Per Ek Baab Likhon
Phir Baabo’n Ko Tarteeb Karon
Aur Aik Haseen Kitaab Likhon

Phir Sochta Hoon Ke Waqt Mera
Abb Itna Bhi Bay’kaar Nahi
Ke Maazi Ke Unn Lamhon Se
Mujhe Thora Sa Bhi Pyaar Nahi

(Ahmer, October 23, 2007)

Umeed Hai Aap Logon Ko Pasand Aye Gi..

Regards,

Amazing man :k:

yaar tum to waqai main aik achay shair ho