Main shaid tum ko yuksar bholnay wala hon
Shayid, Jaan e jaan shayid
K ab tum mujh ko pehlay se zyada yaad aati ho
Hai dil ghamgeen, bohat ghamgeen
K ab tum yaad dil daraana aati hoo
…
Shameem door mandah ho
Bohat runjeeda ho mujh se
Magar phir bhi
Mashaam e jaan mein mairay aashtee mandana aati ho
Judai mein bala ka iltafaat e meharmana hai
Qayamat k khabar geeri hai
Bay’had naaz bardaari ka aalam hai
Tumharre rung mujh mein aur gehray hote jaate hain
Main darta hon
Mere ehsaas k is khawb ka anjaam kaya ho ga !
Ye mere androon e zaat k taraaj gar,
Jazbon k bairee waqat ki sazish na ho koi
Tumahare is tarha har lamha yaad aanay se
Dil sehma hua sa hai
To phir tum kam hi yaad ao
Mata e dil, mata e jaan to phir tum kam hi yaad ao
Bohat kuch beh gaya hai sail e mah o saal mein ab tk
Sabhi kuch to na beh jaye…
K mere paas reh bhi kya gay hai
Kuch to reh jaye. . . . .