***Kuch To Hawa Sard Thi, Kuch Tha Tera Khayal Bhi
Dil ko Khushi K Sath Sath Hota Raha Malaal Bhi
Baat Wo Aadhi Raat Ki, Raat Wo Pure Chand Ki
Chand Bhi Ain Cheet Ka Us Pay Tera Jamaal Bhi
Sab Se Nazar Bacha K Wo Mujhko Kuch Aise Dekhta
Ek Dafa To Ruk Gayi Gardash-E-Maa-O-Saal Bhi
Dil To Chamak Sakega Kya, Phir Bhi Tarsh K Dekh Ley
Sheesha Garan-E-Shaher K Haath Ka Ye Kamal Bhi
Usko Na Paa Sake The Jab Dil ka Ajeeb Haal Tha
Ab Jo Palat K Dekhe, Baat Thi Kuch Muhaal Bhi
Meri Talab Tha Ek Shakhs Wo Jo Nahi Mila To Phir
Haath Dua Se Yun Gira, Bhool Gaya Sawal Bhi
Uski Sakhan Taraziyan Mere Liye Bhi Dhal Thi
Uski Hansi Mein Chhup Gaya Apne Gamon Ka Haal Bhi
Ja Qareeb-E-Sha’rag, Ja Bahid-E-Wa’am-O-Khwab
Uski Rafaqaton Mein Raat, Hijar Bhi Wasal Bhi
Us k Baazoun Mein Aur Usi Ko Sochte Rahe,
Jism ki Khwahishon Pe The Rooh K Aur Jaal Bhi
Shaam Ki Na Samajh Hawa Puchh Rahi Hai Ek Pata,
Mauj-E-Hawaye Koo’ey Yaar, Kuch To Mera Khayal Bhi.. ***