ae gardish-e-duraan,omr-e-rawaan…
kuch pal k liye sastaany dy…
ye naaty reet,ye rasm-o-rawah..
in sab sy aankh churaany dy..
ye jabr-e-musalsal rishton k
ye bandhan aahon,aansoo k..
ab zanjeeren si lagti hen..
in zanjeeron sy pal du pall
thuri si hamen aazadi dy..
ae omr-e-rawan kuch thehr zara..,
ae dil ki khalish kuch chaen tu ly…
is dasht-e-alam men deeda-e-nam
kuch khuaab sy dekha kartin hen…,
khush fehmi k behlawon say..
kuch harf-e-tasalli deti hen…
is ranj-o-alam ny turaa hay..
kuch aur ghamon men churaa hy,
ye rishton ki zanjeeren ab tu saath sada ki saathi hen
(ye turr bhi kesy sakty hen?)
ae omr-e-rawan kuch pal k liye..
aasoda nagar men jaany dy..
kuch pal k liye sastaany dy..
oss shukh ada sy pochh tu len..
is raah py kiyon ye pagal dil..,
anjaani lay py dharka hay..
is murr py kiuon ye dman-e-dil
phir kis k aagy phelaa hay…??
ye nazren unki raahon men kiyon sajda rezi karti hen?
ye bharam,ana ki dewaaren..
is karb-o-junoon sy haari hen..,
ae gardish-e-duraan to hi bataaa
is simt py chal kar kiya huga..
is dard ka darmaan kiya huga
is ruog ka marham kiya huga.
is dard ka haasil hijr hy kiya..?
is raah ka haasil hijr hy kiyaa
ae omr-e-rawaan kuchh to hi bata..!