~ Kuch loug pehchaane gaye ~

Bhooli_Bisri · April 17, 2003, 6:13am

**
Gou, zara si baat per barsoon ke yaraane gaye
Lekin itna tu huwa kuch loug pehchaane gaye
Garmi-e-mehfil faqat ek naara-e-mastaana hai
Aur woh khush hain ke is mehfil se deewane gaye
Main isse shohrat kahoon ya apni ruswae kahoon
Mujh se pehle us gali mein mere afsaane gaye
Yun tu woh meri rag-e-jaan se bhi thee nazdeek-tar
Aansoo’on ki dhundh mein lekin na pehchaane gaye
Vehshatain kuch is tarah apna muqaddar hogaeen
Hum jahaan pohanche hamaare saath veerane gaye
Ab bhi un yaadoon ki khushbo zehan mein mehfooz hai
Baar ha hum jin se gulzaroo ko mehkaane gaye
Kya qayyamat hai ke ‘khatir’ kushta-e-shab bhi thay hum
Subha jab huwi tu mujrim hum hi gardaane gaye
**

chand_chehra · April 17, 2003, 6:50am

Nice :k:

Lamhay · April 17, 2003, 7:14am

bahut khoob!

Philanthrope · April 17, 2003, 8:03am

Wah.. so lovely..

BrokenSky · April 17, 2003, 8:39am

Buhat Achay:flower1:…

hanie · April 17, 2003, 9:18am

*Garmi-e-mehfil faqat ek naara-e-mastaana hai
Aur woh khush hain ke is mehfil se deewane gaye
*

I like this one in this Shair.
dont know why, its :k:

Dilsay · April 17, 2003, 9:54am

kiya baat hai... har aak lafz khboosurtee kay sath kaha giya hai....

HeArT_HaCKeR · April 17, 2003, 8:28pm

:k: beautiful

ghazal_kisi_ke · April 17, 2003, 9:33pm

bohut khoob:k::k:

ayman · April 17, 2003, 9:56pm

kya baat hai :k: bohot khoob