Gum Sum, Khamosh Ho, Kuch Kaho To Sahi
Mile Jo Muddat Se, Kuch De’er Raho To Sahi
Ab Aey Apne Dar Par, Aur Yun’hi Baithey Ho?
Jashn-e-Wasl Hai Bapaa, Hum Se, Milo To Sahi
Maana Ke Tum Apne Nehi, Ghair Hi Sahi
Ek Ta’jalli, Aey Parda Nasheen, Dikha Do To Sahi
Ek Waqt Se Hoon Lazzat-e-Dard-e-Ishq se Mahroom
Kamaan-e-Nigah Se Teer, Hum Ko, Maro To Sahi
Ajab Sa Hai Yeh Maqaam, Aap Bhi Woh Nahin
Aalam-e-Faraib Hai, Yahaan Se, Chalo To Sahi
Aa Gaey Phir, Dar-e-Haqiqat Pe Hum Aftab
Shab Guzar Gaiy, Ab Tum Bhi, Utho To Sahi