Kuch Ishq Tha Kuch Majboori thi,So Mea Ne Jewan Waar Dia…
Mea Kesa Zinda Aadmi Tha, Ik Shakhs Ne Muj Ko Maar Dia.
Yea Saja Sajaya Ghar Saaqi, Meri Zaat Nahi Mera Haal Nahi…
Ay Kash Kabhi Tum Jan Sako, Jo Is Sukh Ne Aazaar Dia.
Mea Khuli Huee Ik Sachaee, Mujhe Jane Wale Jantay Hain…
Mea Ne Kin Logon Se Nafrat Ki, Mujhe Kin Logon Ne Pyaar Dia.
Wo Ishq Boht Mushkil Tha Magar, Asaan Na Tha Yun Jeena Bhi..
US Ishq Ne Zinda Rehnay Ka, Mujhe Zarf Dia Pindaar Dia.
Ik Sabz Shaakh Gulaab Ki Tha, Ik Dunya Apne Pyaar Ki Tha…
Wo Ik Bahaar Jo Aa Na Sakki, Us Ke Lea Sab Kuch Haar Dia.
Mea Rota Hun Aur Aasmaan Se Taray Toottay Dekhta Hun…
Un Logon Par Jin Logon Ne Mere Logon Ko Aazaar Dia.
Wo Yaar Hun Ya Mehboob Mere, Ya Kabhi Kabhi Milne Wale..
Ik Lazzat Sab Se Milne Mea, Wo Zakham Dia Ya Pyaar Dia.