kuch ishq tha kuch majbori thee su mae ne jeevan waar diya
mae kaisa zinda aadmi tha aik shaks ne mujh ko maar diya
aik sabz shaakh gulab ki thee aik duniya apne khwaab ki thee
wo aik bahaar jo ayee nahi us k liye sub kuch haar diya
ye saja sajaya ghar saathi meri zaat nahi mera haal nahi
aay kaash! kabhi tum jaan sako jo is sukh ne azaar diya
mae kholi hoee aik such-ai mujhe jaan-ne wale jantay hain
mae ne kin logoon se nafrat ki mae ne kin logoon ko pyaar diya
wo ishq bohat mushkil tha magr aasaan na tha yoon jeena bhee
is ishq ne zinda rehne ka mujhe zurf diya pundaar diya
mae rota hoon aur aasmaan se taary toot-ta dekhta hoon
un logoon pur jin logoon ne mere logoon ko azaar diya
mere bachoon ko Allah rakhe un taza hawa k jhoonkoon ne
mae khushk paer khazaan ka tha mujhe kaisa burg-o-baar kia
kuch ishq tha kuch majbori thee su mae ne jeevan waar diya
mae kaisa zinda aadmi tha aik shaks ne mujh ko maar diya*